1. ജീവിതം
'ഇപ്പോൾ നമ്മൾ എന്ത് ആണോ' അതിൽ നിന്ന് 'ഇനി നമ്മൾ എന്ത് ആഗ്രഹിക്കുന്നുവോ' അതിലേക്കുള്ള ഒരു യാത്ര ആണ് സാധാരണ ഗതിയിൽ ഏത് ഒരു മനുഷ്യന്റെയും ലൈഫ് .
പാഷൻ , പ്രൊഫഷൻ , ലവ് .. ഇവ മൂന്നിലും വിജയിക്കാൻ സാധിക്കുന്ന ഒരുത്തൻ ആണ് ജീവിതത്തിലെ ഏറ്റവും വലിയ ഭാഗ്യവാൻ എന്ന് ഞാൻ പറയും .
അതൊരു ചെറിയ കാര്യം അല്ല . ഏറ്റവും വലിയ ദൈവാധീനം ആണ് . എല്ലാവർക്കും കിട്ടികോളണം എന്നില്ല.
ഓടാനും , ചാടാനും , നടക്കാനും , മനസ്സ് തുറന്ന് ഇഷ്ട്ടപെടാനും എല്ലാം ആരോഗ്യം വേണം .
നല്ല ആരോഗ്യം തന്നതിലും അത് നില നിർത്താൻ സാധിക്കുന്നതിലും ദൈവത്തോട് പ്രാർഥിക്കണം ..
2. സിനിമ
"പാഷൻ" ' = ' "പ്രൊഫഷൻ" ആയാൽ അത് ഒരുവന്റെ വിജയം ആണ് . എന്റെ പാഷൻ സിനിമ ആണ് . അത് തന്നെ എന്റെ പ്രൊഫഷൻ ആവുന്നത് ആണ് എന്റെ വിജയം .
സിനിമയിൽ ഞാൻ ആഗ്രഹിച്ചത്‌ അഭിനയം ആണ് [ ഒരു പക്ഷെ സിനിമ എന്ന് പറയുമ്പോൾ ഏറ്റവും കൂടുതൽ ആളുകൾ ആഗ്രഹിക്കുന്നതും ഇത് തന്നെ ]
. ജീവിക്കാൻ പൈസ വേണം . പൈസ പല രീതിയിലും വരും . ശബളം , കൂലി , ലാഭം , കമ്മിഷൻ അങ്ങനെ പല രൂപത്തിൽ .
ഇതിൽ സിനിമാക്കാരൻ ഒരു ഹൈ ടെക് ബിസിനസ് ചെയ്യുന്ന കൂലി പണിക്കാരൻ ആണ് . ശാശ്വതം അല്ല ഈ ഫീൽഡ് . എന്നാൽ വിജയിച്ചാലോ , അങ്ങേ അറ്റം പ്രൊട്ടക്റ്റഡും ആണ് .
3. പ്രണയം
എനിക്ക് ഒരു പെണ്‍കുട്ടിയെ ഇഷ്ട്ടമാണ് . അവൾക്ക് എന്നെയും . കല്യാണം കഴിക്കാൻ ആഗ്രഹിക്കുന്നു .
പക്ഷെ എന്തിനാണ് ഇങ്ങനെ ഒരു ഇഷ്ട്ടം , എന്തിനാണ് ഒരുമിച്ച് ജീവിക്കാൻ ആഗ്രഹിക്കുന്നത് .
ഞാൻ അവളുടെയും അവൾ എന്റെയും കണ്ണിൽ നോക്കുമ്പോൾ എന്താണ് സംഭവിക്കുന്നത്‌ എന്ന് അറിയില്ല . അതാണ്‌ എന്റെ പ്രണയം .
ഒരു പെണ്ണ് എന്ന രീതിയിൽ അവളുടെ സൗന്ദര്യം ഞാൻ ആസ്വദിക്കുന്നു . ആത്മാവ് കൊണ്ട് അവൾക്ക് പകരം വയ്ക്കാൻ മറ്റൊരാൾ ഇല്ലാത്ത അവസ്ഥ.
ഒന്നിനോടും അടിക്റ്റട്‌ ആവരുത് എന്ന് വിശ്വസിക്കുന്ന ഒരുവന്റെ ജീവിതത്തിലെ ഏക എക്സെപ്ഷൻ !
പണം
ഭക്ഷണം , താമസം , യാത്ര , മരുന്ന് , വസ്ത്രം , സമ്മാനം , വിദ്യാഭ്യാസം , വിനോദം, ആസെസരീസ് തുടങ്ങിയ ബേസിക് കാര്യങ്ങൾക്ക് വേണ്ടി ഉപയോഗിക്കാൻ ഉള്ള ഒരു വസ്തു .
അധികം ഉണ്ടെങ്കിൽ എടുത്തു വയ്ക്കു . പുളിക്കില്ല .
