ലോട്ടസ് ക്ലബിലെ ഓടിഷന്‍

During Audition @ Ernakulam Lotus Club

നവാഗതനായ  രാജ് പ്രഭാവ്തി മേനോന്‍ സംവിധാനം ചെയ്യുന്ന " Buddy " എന്ന സിനിമയുടെ ഓടിഷന് പങ്കെടുക്കാന്‍ ആണ് ഇത്തവണ എറണാകുളത്ത് എത്തിയത്..

സ്ഥലം : ലോട്ടസ് ക്ലബ്‌ , 
തിയതി : 2012 ഒക്ടോബര്‍ 21 ഞായറാഴ്ച  , 
സമയം : രാവിലെ 8:30 , 
സംഘാടകര്‍ : ലുക്മാന്‍സ് ഫാഷന്‍ ഇവന്റ് & മോഡല്‍ മാനെജ്മെന്റ് , എറണാകുളം .

ഞാന്‍ പങ്കെടുക്കുന്ന നാലാമത്തെ ഓടിഷന്‍ ആണ് ഇത് .. പങ്കെടുത്തവയില്‍ വച്ച് ഏറ്റവും വലിയ ഇവന്റ് എന്ന് തന്നെ പറയാം.. പതിവ് പോലെ പറഞ്ഞതിലും നേരത്തെ സ്ഥലത്ത് എത്തി .. കൃത്യമായി പറഞ്ഞാല്‍ രാവിലെ ആറ് മണിക്ക് ..

തലേന്ന് [ ഒക്ടോബര്‍ ഇരുപതു ശനിയാഴ്ച ] രാത്രി എറണാകുളം സൗത്ത് റെയില്‍വേ സ്റ്റേഷനില്‍ വന്നിറങ്ങി , അവിടെ തന്നെ പേപ്പര്‍ വിരിച്ചു  കിടന്നുറങ്ങി , പുലര്‍ച്ചെ 4 മണിക്ക് എഴുനേറ്റു കുളിച്ചാണ് ഈ വരവ് .. അതിരാവിലെ ഉള്ള നടത്തം , അതിനു അതിന്റേതായ ഒരു ഫ്രെഷ്നെസ് ഉണ്ട് ..  സൗത്ത് സ്റ്റേഷന്‍ മുതല്‍  ദര്‍ബാര്‍ ഹാള്‍ റോഡ്‌ വഴി ഇടവും വലവും തിരിയാതെ നേരെ 20 മിനിറ്റ് നടന്നാല്‍ ടീ ഡീ എം ഹാള്‍ ആയി .. അതിനടുത്താണ് ലോട്ടസ് ക്ലബ്‌ .. ആറ് മണിക്ക് ലോട്ടസ് ക്ലബിന് മുന്‍പില്‍ ഹാജരായെങ്കിലും  അടുത്ത രണ്ടര മണിക്കൂര്‍ തള്ളി നീക്കണം ഓടിഷന്‍ തുടങ്ങാന്‍ .. അതിനിടക്ക് ബ്രേക്ക്‌ഫാസ്റ്റും കഴിക്കണം ..
എറണാകുളത്തെ തെരുവുകള്‍ അപരിചിതമല്ല .. ഒരുപാട് ഒന്നും ഇല്ല എങ്കിലും അത്യാവിശ്യം അലഞ്ഞിട്ടുണ്ട് .. അക്കൂട്ടത്തില്‍ ഇതും .  വാരിയം റോഡ്‌ വഴി പള്ളിമുക്ക് ജങ്ക്ഷനില്‍ എത്തി ഹോട്ടലില്‍ നിന്നും ബ്രേക്ക്‌ ഫാസ്റ്റ് കഴിച്ചു .. ഇറങ്ങി നടക്കാന്‍ നേരം ഒരു ഭിക്ഷക്കാരി എനിക്ക് നേരെ കൈ നീട്ടി .. പൊതുവേ ഭിക്ഷക്കാരെ പ്രോത്സാഹിപ്പിക്കാറില്ലാത്ത ഞാന്‍ എന്തുകൊണ്ടോ  അവര്‍ക്ക് ഒരു നാണയ തുട്ട് കയ്യിലിട്ടു കൊടുത്തു .. " നന്നായി വരും മോനെ " എന്ന മട്ടില്‍ അവര്‍ എന്‍റെ തലയില്‍ തൊടാതെ തൊട്ട്‌ അനുഗ്രഹിച്ചു .. അങ്ങനെ ആ അനുഗ്രഹവും മേടിച്ചു തിരിച്ചു ലോട്ടസ് ക്ലബിലേക്ക് നടന്നു . . .

To be continued ..